TREVICO - Competition Irpinia Mia

Competition My Irpinia 2008 << Back

Prize Ettore Scola
Section Poetry
of Settembrino Saveria
'O VINO 'O pate 'e Natalina, 'n'amica mia, teneva 'na cantina ch'era tutt' uno cu a cucina. Si chiudo ll'uocchie m' allicordo o' fummo d' 'e mezzune e addore de' fave cotte dint' 'a caurara 'e ramma, che sapore cu chello sale 'ncoppo! Chili' uommene ch'ascevano sempre 'mbriache me facevano paura Ma 'io po' penzavo: "si tremmano 'ncoppo 'e cosce che me ponno fa?" Mo se parla sempe 'e vino. So' asciute e sommellier, gli assaggiatori... Ma qual è 'a differenza? lo assaggio il vino -dicono- ma non lo bevo. Parlo del retrogusto, degli odori, del sapore, del colore... Ma io preferisco 'e bevitore' e vino d' 'a cantina 'e Natalina, pecchè tenevano' o coraggio e se 'mbriacà. Ll'atu juorno so 'gghiute 'o paese mio, 'ncoppo 'a casa disabitata, nce rimasto scritto: VINI. Na lacrema m'è scesa... E me so gghiuta a 'mbriacà, pè dimenticà
AMMORE L'ammore a me nun m'ha vuluto bbene! Ogne vota ca me songo 'nnammurata è stato sempe sufferenza! So' fatta i' malamente? O chi m'aveva prumettuto 'ammore? Chella meza pacca' e mela Nun me data da truvà... Chisà chi s'ha mangiata! Ma che vita, però, sta vita mia. T'adduorne e te scite sola E suoffre sapenne ca nisciuno penza a te. Si stu core, nu juorno, vo arapì 'na purticella, i 'a chiudo. Nun voglio cchiù penà! Però, penzannece, 'e llacreme d'ammore so 'e cchiù belle pecche: v'immaginate a vita 'e chi nun ha maje chiagnuto pe' nisciuno?